لاہور قلندرز کیلئے جیت خواب بن گئی، مسلسل چھٹی شکست

لاہور قلندرز کیلئے جیت خواب بن گئی، مسلسل چھٹی شکست

پاکستان سپر لیگ سیزن 9 کے 14 ویں میچ میں ملتان سلطانز نے لاہور قلندرز کو 60 رنز سے شکست دیدی۔

 

لاہور کے قذافی سٹیڈیم میں ہونیوالے پاکستان سپر لیگ سیزن 9 کے 14 ویں میچ میں ملتان سلطانز کے کپتان محمد رضوان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 4 وکٹوں کے نقصان پر 214 رنز بنائے۔

 

215 رنز کے ہدف کے تعاقب میں لاہور قلندرز کی پوری ٹیم 17ویں اوور میں 154 رنز بناکر آؤٹ ہوگئی۔

 

قبل ازیں ملتان سلطانز کی جانب سے محمد رضوان اور ریزا ہینڈرکس نے اننگز کا آغاز کیا تاہم محمد رضوان پہلے ہی اوور میں شاہین آفریدی کی گیند پر بغیر کوئی رن بنائے آؤٹ ہوگئے، عثمان خان نے 55 گیندوں پر 96 رنز کی شاندار اننگز کھیلی، ریزا ہینڈرکس اور افتخار احمد نے 40، 40 جبکہ طیب طاہر نے 21 رنز بنائے۔

 

واضح رہے کہ قلندرز اب تک 6 میچز کھیل کر تاحال فتح کی تلاش میں ہیں، ملتان سلطانز کی ٹیم بھی ایونٹ میں 6 میچز کھیل کر 5 میں فاتح رہی جبکہ ایک میں اسے شکست کا منہ دیکھنا پڑا۔

 

ملتان سلطانز پوائنٹس ٹیبل پر 10 پوائنٹس کیساتھ سرفہرست ہے جبکہ لاہور قلندرز صفر پوائنٹ کے ساتھ آخری پوزیشن پر ہے۔

This website uses cookies to improve your experience. We'll assume you're ok with this, but you can opt-out if you wish. Accept