افضل حسین تارڑ کا انتقال
مسلم لیگ (ن) کے سابق رکن قومی اسمبلی افضل حسین تارڑ 90 برس کی عمر میں انتقال کرگئے۔
مرحوم 2 مرتبہ ن لیگ کے ٹکٹ پر ایم این اے منتخب ہوئے اور پارلیمانی سیکریٹری کے عہدے پر بھی فائز رہے۔
سینئر سیاستدان افضل حسین تارڑ کے انتقال کی خبر اُن کی صاحبزادی اور رکن قومی اسمبلی سائرہ افضل تارڑ نے سماجی رابطے کی ویب سائٹ پر شیئر کی۔
ن لیگی رہنما کی نماز جنازہ اُن کے آبائی گاؤں کولو تارڑ ضلع حافظ آباد میں ادا کردی گئی۔
