برفباری کے باوجود سکردو انٹرنیشنل ایئر پورٹ پر فلائٹس آپریشن جاری

66 / 100

برفباری کے باوجود سکردو انٹرنیشنل ایئر پورٹ پر فلائٹس آپریشن جاری

ترجمان سی اے اے کے مطابق سکردو انٹرنیشنل ایئرپورٹ پر زبردست برف باری کے باوجود فلائٹس آپریشن جاری ہے۔

ترجمان سول ایوی ایشن اتھارٹی نے بتایا کہ سکردو ایئرپورٹ رن وے سے برف ہٹانے کیلئے خصوصی انتظامات کیے گئے ہیں، برف باری کےباوجود آج بھی فلائٹس کا آپریشن جاری رہا، سکردو ایئرپورٹ کے مختلف ایریاز میں برف موجود ہے۔

دوسری جانب کراچی ایئرپورٹ کے رن وے کو مرمتی کام کے باعث بند کرنے کا فیصلہ کیا گیا ہے، کراچی ایئرپورٹ کے رن وے نمبر 7 ایل اور 25 آر مینٹی نینس کے باعث 2 روز کے لیے بند رہے گا۔

کراچی ایئرپورٹ کا رن وے نمبر 7 ایل اور 25 آر فلائٹ آپریشن کے لیے 5 مارچ سے 6 مارچ تک بند کیا جا رہا ہے، فلائٹ آپریشن متبادل رن وے نمبر 25 ایل اور 7 آر پر جاری رکھا جائے گا۔

سی اے اے کے مطابق کسی ایمرجنسی پرواز کی لینڈنگ کی صورت میں دونوں رن وے لینڈنگ کے لیے موجود ہوں گے، سی اے اے نے نوٹس جاری کر دیا۔

This website uses cookies to improve your experience. We'll assume you're ok with this, but you can opt-out if you wish. Accept