یومِ آزادی پاکستان پر ’’صدائے چنار ڈیجیٹل چینل‘‘ کا باقاعدہ آغاز
اسلام آباد۔ یوم آزادی پاکستان کے موقع پر صدائے چنار ڈیجیٹل چینل کا باقاعدہ آغاز کر دیا گیا۔
اس حوالے سے دعائیہ تقریب مرکزی دفتر اسلام آباد میں منعقد ہوئی اور کیک کاٹا گیا۔
آذاد کشمیر کی معروف روحانی شخصیت قبلہ جناب جی پیر محمد ذاہد سلطانی دامت برکاتہم العالیہ آستانہ عالیہ گلہار شریف کوٹلی نے برطانیہ سے وڈیو لنک کے ذریعے ادارہ کی ترقی کے لیے خصوصی دعا فرمائی۔
تقریب میں آزاد کشمیر قانون ساز اسمبلی کے سپیکر کے معاون خصوصی سید عزادار حسین کاظمی ، ڈائریکٹر روزنامہ صدائے چنار سردار افتخار فاروقی، سید ذوالفقار بخاری ایڈووکیٹ ، معروف ٹی وی اینکر خواجہ عبدالمتین، ڈائریکٹر نیوز جی ٹی وی نیوز قیوم بخاری،سینئر صحافی تجزیہ کار اعجاز عباسی،اینکر پرسن ومعروف یوٹیوبر عابد عندلیب،مفتی عبدلواجد، کونسلر یونین کونسل لوات نیلم، فواد اسلم ایچ او ڈی پروگرامز اینڈ پبلک ریلیشن کشمیر آرفن ریلیف ٹرسٹ، سنئیر صحافی رضوان عباسی ، نوجوان صحافی رئیس احمد خان ،حافظ ساجد، سجاد اعوان، شاہد راٹھور، سردار طاہر مسعود، آصف شبیر و دیگر افراد شریک ہوئے اور نیک تمناؤں کا اظہار کیا ۔
میزبانی کے فرائض سینئر صحافی اور معروف یوٹیوبر عابد عندلیب نے سر انجام دیئے ۔
آخر میں شرکاء کا شکریہ ادا کرتے ہوئے صدر اے کے این ایس اور صدائے چنار ڈیجیٹل کے سی ای او محمد امجد چوہدری نے کہا کہ صدائے چنار ڈیجیٹل شفاف اور غیر جانبدار صحافت کو فروغ دینے کے لیے تمام مکاتب فکر کو اپنی آواز کو اجاگر کرنے کے یکساں مواقع فراہم کرے گا۔
