تصویر میں بلی اوپر جا رہی ہے یا نیچے اتر رہی ہے؟
اوپر موجود تصویر کو دیکھیں اور بتائیں کہ بلی سیڑھیوں پر چڑھ رہی ہے یا نیچے اتر رہی ہے۔
جی ہاں واقعی بہت سادہ سا سوال ہے مگر تصویر ایسی ہے کہ اسے دیکھ کر سمجھ نہیں آتا کہ بلی اوپر جا رہی ہے یا نیچے اتر رہی ہے۔
کچھ افراد کو یہ نیچے جاتی ہوئے نظر آتی ہے تو کچھ کا اصرار ہوتا ہے کہ یہ اوپر جا رہی ہے۔
ویسے اس کا جواب اتنا بھی سادہ نہیں اور تصویر لینے والے درحقیقت اس کو ایسے لیا ہے کہ جواب دینے والے کا ذہن گھوم کر رہ جاتا ہے۔
یہ بصری دھوکا آپ کے دماغ اور بینائی کا امتحان بھی ہے۔
تو آپ کے خیال میں بلی اوپر کی جانب جا رہی ہے یا نیچے اتر رہی ہے؟
بصری دھوکا دینے والی تصاویر میں رنگوں، ساخت اور پس منظر کے ذریعے ایسی تصویر تیار کی جاتی ہے جو حقیقت سے مختلف محسوس ہوتی ہے۔
اس طرح کی تصاویر میں چھپے جواب کو تلاش کرنے سے ذہنی صلاحیتوں کو فائدہ ہوتا ہے جبکہ دماغ کی تخلیقی صلاحیت بہتر ہوتی ہے۔
تو کیا آپ کو جواب کا علم ہوگیا؟ اگر نہیں تو ہم ہی بتا دیتے ہیں۔
درحقیقت اس تصویر میں بلی نیچے نہیں اوپر کی جانب جا رہی ہے۔
اگر آپ غور کریں تو تصویر کے اوپر موجود بلی کے پیچھے ایک قالین نما چیز نظر آئے گی جس کا عندیہ ملتا ہے کہ وہاں فرش ہے۔
