مظفرگڑھ: بیوی نے مبینہ طور پر شوہر کو زہریلا مشروب پلادیا، شوہر ہلاک

مظفرگڑھ: شوہر کے قتل کا الزام، پولیس نے بیوی کو حراست میں لے لیا

مظفرگڑھ: پنجاب کے ضلع مظفرگڑھ کی تحصیل علی پور میں شوہر کی موت کے معاملے پر پولیس نے مقتول کی اہلیہ کو شک کی بنیاد پر حراست میں لے لیا ہے۔

پولیس کے مطابق علاقے میں ایک شخص کی موت ہوئی، جس کے بعد مقتول کے اہلِ خانہ نے اس کی اہلیہ پر شوہر کو مبینہ طور پر کوئی چیز پلانے کا الزام عائد کیا، جس سے اس کی موت واقع ہوئی۔

مقتول کے لواحقین نے یہ الزام بھی لگایا ہے کہ خاتون نے اپنی ساس کو مبینہ طور پر تشدد کا نشانہ بنایا۔

پولیس حکام کا کہنا ہے کہ خاتون اس وقت حراست میں ہے اور واقعے کی تحقیقات جاری ہیں۔ حکام کے مطابق موت کی اصل وجہ جاننے کے لیے پوسٹ مارٹم رپورٹ کا انتظار کیا جا رہا ہے، جس کے بعد مزید حقائق سامنے آئیں گے۔

پولیس نے تاحال واقعے کی حتمی وجوہات کی تصدیق نہیں کی۔